Tilskot til avløysing ved sjukdom og fødsel
Tilskot til avløysing ved sjukdom og fødsel er heimla i Forskrift om tilskot til avløysing ved sjukdom og fødsel mv.
Formålet med tilskotet er «å medverke til å dekkje kostnadene til avløysing ved eigen eller barns sjukdom, svangerskap, fødsel, adopsjon eller omsorgsovertaking, og ved dødsfall.», jf. §1 i Forskrift om tilskot til avløysing ved sjukdom og fødsel mv.
Vilkår og rettleiing kan finnast på nettsida til Landbruksdirektoratet.
Tilskotet blir søkt på elektronisk via Altinn.
Søknadsfrist: Seinast eitt år etter siste dag i den perioden du søkjer tilskot for.
Søknaden blir behandla av kommunen. Statsforvaltaren i Agder er klageinstans.
Tilskot til tidlegpensjon
Tilskot til tidlegpensjon er heimla i Forskrift om tilskudd til tidligpensjonsordningen.
Formålet med tilskotet er å «bidra til å lette generasjonsoverganger i jordbruket for de som har hatt hoveddelen av sine inntekter fra jordbruk/gartneri og skogbruk.», jf. §1 i Forskrift om tilskudd til tidligpensjonsordningen.
Vilkår, rettleiing og søknadsskjema kan finnast på nettsida til Landbruksdirektoratet.
Søknadsfrist: kontinuerleg. Dersom du ønskjer å få ei førehandstilsegn, kan du sende søknad 6 månader før du oppfyller krava.
Søknaden blir behandla av Statsforvaltaren i Agder. Landbruksdirektoratet er klageinstans.