Leveringsvilkår for drikkevatn
Åseral kommune skal levere hygiensk trygt drikkevatn til alle abonnentar. Vatnet skal oppfylle krava i drikkevannsforskriften, det vil seie at det skal vere hygenisk trygt, klart og utan framtredande lukt, smak eller farge.
Ved normal drift skal vasstrykket ved tilkoplingspunktet til kommunal leidning vere mellom 2,0 og 8,5 bar. Dersom trykket er større enn 6 bar må du som abonnent sikre dine installasjonar ved bruk av reduksjonsventil.
Vi forsyner deg med tilstrekkeleg mengde drikkevatn til eige forbruk. Det kan likevel oppstå situasjoner med korte brot på vassforsyninga. Då gjeld følgjande:
- Ingen planlagde stans i vassforsyninga skal vare i meir enn 8 timar.
- Dersom brot i vassforsyninga varer lenger enn 8 timar vil du få tilkøyrt vatn til hushaldningsbruk.
- Ved leidningsbrot eller storbrann kan kommunen stenge vasstilføringa utan varsel.
Forskrift om vannforsyning og drikkevann
Vassmålar
Alle bygningar som skal knytast til kommunen sitt leidningsnett må installere vassmålar. Abonnentane betaler abonnementsgebyr samt forbruksgebyr etter målt vassforbruk og pris pr. m³.
Slik les du av vassmålaren:
- Hovudavlesninga skjer ein gong i året (ved nyttår).
- Du får ein SMS per vassmålar.
- Les av vassmålarstanden og svar på SMS eller på nett. Ta berre med sorte tal. Dei raude skal ikkje rapporterast.
- Om vi ikkje mottek avlesning vert vassforbruket stipulert.
- Abonnenten har ansvar for rett avlesning.
Føresegner for bruk av vassmålarar
Skjema for montering av vassmålar
Drikkevatnskvalitet
Drikkevatnet i kommunen har høg kvalitet og er trygt å drikke, med mindre vi melder om noko anna.
Vatnet kan endre farge, lukt eller smak i perioder. Dette er som regel ikkje farleg, men vi tilrår likevel å la vatnet renne i krana til vatnet er klart att.
Dersom vi sender ut ein tilråing om koking av drikkevatnet bør du følgje Folkehelseinstituttets råd.
Brunt vatn
- Vatnet kan bli brunt i samband med reparasjon av vasslekkasjar eller andre hendingar.
- Om vatnet har vore stengt kan området som var rørt oppleve brunt vatn når det vert opna att. La vatnet renne ei stund for å reinse røyra.
- Om vatnet er brunt utan kjend årsak, meld frå!
Stengt vatn
Når vannet er tilbake
Retningsliner for innmåling av vatn og avløp anlegg
Desse retningslinene gjeld alle anlegg der kommunen skal ta imot innmålingsdata, og private stikkleidningar. Retningslinene må oppfyllast før leidningsanlegget vert overteke.