«FRÅ PLOG TIL HARPUN» 2013

Filmdokumentaren på kring 45 minutt tek føre seg Åsdølar på kvalfangst frå slutten av 40 til byrjinga av 60 talet. Årsaka til at Åsdølane fekk jobb som kvalfangarar var kontakten med Lord Edward Theodore Salvesen (1857-1942), mannen som bygde Lordehytta i Åseral.

«NOEN KALLER DET KUNST» 2015

Filmdokumentaren varar kring 60 minutt, og omhandlar korleis Åseral og åsdølane opplevde 2.verdskrig. Det er og tilhørande utstilling i museumsdelen på kultursenteret.

«I LORDEN SINE FOTEFAR» 2017

Filmdokumentaren varar kring 55 minutt, og omhandlar då Lord Salvesen på byrjinga av 1900 talet bygde seg sitt eige jaktslott «Lordehytta»
Langt inne i fjellheimen ca. 11 kilometer frå Røysland i Åseral og endå lenger frå Knaben i Kvinesdal ligg Lordehytta attmed Vivatn. Her var det at Lord Salvesen på byrjinga av 1900 talet bygde seg sitt eige jaktslott, i ei tid lenge før snøscooter og helikopter. Her var det hest og kjerre eller klyving som vart nytta. Hytta vart bygd i Mandal og frakta heile vegen opp i nummererte deler. I tillegg til hytta er det og fleire andre bygningar som er knytt til, mellom anna eigen tenestebustad, hundehus og fangstlager.