​Me søkjer 3 personar over 18 år som er pliktoppfyllande og som evne å arbeide sjølvstendig i perioden frå siste veka i juni til fyrste veka i august. Det må påreknast helgearbeid og du kan rekne med ein stad mellom 30 – 37,5 arbeidstimar i veka.

Sommaren 2010 blei Minne Åseral kultursenter opna.

Senteret synar Åserals kulturarv og kulturliv, med ei arkeologisk utstilling, bygdemuseum, kunstutsal, turistinformasjon, filmsal med lokalhistoriske dokumentarar, kafé og ikkje minst ein flott eplehage der ein mellom anna kan nyte utekonsertar. Gjennom året arrangerast det faste og skiftande utstillingar og arrangement. Minne er ein møteplass kor folk treffast fast kvar veke, Åseral husflidslag har faste aktivitetar for born og vaksne, kulturskulen med dramagruppa og kunstgruppa held til her og lokale lag og foreiningar lånar lokale.

Ønskjer du ei omvisning i utstillinga med ein tilsett, så er det mogelegheit for å tinge dette.

Du kan leige møterom på Minne kultursenter.