Kommunestyret i Åseral har vedteke å løyve private verksemder i Åseral økonomisk støtte som følgje av den høge prisen på elektrisk kraft (17.3.2022, sak nr. 8-2022)
Vedtaket lyder slik: Åseral kommune gir straumstøtte til private verksemder på grunn av den sterke prisauken på straum.
Den lokale støtteordninga følgjer den statlege støtteordninga for landbruket. Den går i hovudtrekk ut på at ein dekker 55 prosent av straumutgiftene over 70 øre/kWt for desember 2021, og 80 prosent for januar til og med mars 2022.
Støtteordninga blir finansiert med midlar frå kraftfondet innafor ei ramme på kr l 200 000.
Dersom staten innfører ei nasjonal støtteordning for tilsvarande periode fell den kommunale støtteordninga bort.
Hovudutvalet for drift og utvikling gis fullmakt til å avgjera naudsynte retningsliner.
For å få straumstøtte må du melda inn forbruket for dei aktuelle månadene til kommunen. Det er altså forbruket i kWt kommunen må få opplyst, ikkje kronebeløpet du har betalt. Støtta vil bli rekna ut frå gjennomsnittsprisen for straum i vårt område for desse månadene.
Kven kan få støtte?
Verksemda må ha eige straumabbonement.
Landbruksverksemder som har fått tilsvarande statleg støtte kjem ikkje inn under den kommunale ordninga.
Har du spørsmål om støtta? Ta kontakt med kommunen ved Øyvin Moltumyr (tel 911 36 483 eller epost: oyvin.moltumyr@aseral.kommune.no )
- Bruk det vedlagte søknadsskjemaet for å registrere deg og melde inn forbruk.
- Send samstundes inn kopi av straumrekningane.
- For kommunen er det ønskeleg å kunne betale ut støtta så fort som mogleg.
- Meld difor inn forbruket ditt innan 1. mai.
Som det går fram av vedtaket så har hovudutvalet for drift og utvikling fått til å avgjera eventuelle spørsmål.
