Åseral kommune gir straumstøtte til private verksemder på grunn av den sterke prisauken på straum for perioden 1. april 2022 til 30. september 2022. Den lokale støtteordninga følgjer den statlege støtteordninga for landbruket, men utan forbrukstak. Kommunen vil innhente meir kunnskap om effekten av den statlege ordninga. Søknadsfrist for denne perioden: 15.11.2022.
Ovannemnde ordning vert vidareført for perioden 01.10.2022 – 31.12.2022.
Søknadsfrist for denne perioden: 15.02.2023.
Støtteordninga blir finansiert med ekstra inntekter frå konsesjonskraftordninga.
Hovudutvalet for drift og utvikling gis fullmakt til å avgjera naudsynte avklaringar.
Åseral kommune gir ei eingongsstøtte for perioden April 2022 til og med Mars 2023 til husstandar på grunn av den høge straumprisen. Husstandar med samla brutto inntekt på mindre enn kr 450 000 i 2021 får kommunal støtte med kr 20 000. Husstandar med samla brutto inntekt på mindre enn 650 000 får kommunal støtte med kr 10 000. Husstandar som får dekt straumkostnadane gjennom økonomisk sosialhjelp er ikkje omfatta av ordninga.
Administrasjonen set ned ei tverrsektoriell gruppe som skal koma med framlegg til ei kommunal støtteordning for ENØK-tiltak og støtte til fornybar energiproduksjon.
Ordførar, leiar av HDU, leiar Åseral næringsråd samt Roy Akselsen (prosjektleiar Grøn innkjøp) blir med i gruppa.
Det blir utarbeidd retningsliner for dei ulike tilskota i løpet av den næraste tida.
Du kan lese heile saken her: Kommunestyremøte 18.10.2022
