I ny opplæringslov gjeldande frå 1. august 2024, er det krav om at det blir laga kommunale forskrifter som blir kunngjorde i Norsk Lovtidend (Lovdata) om permisjonsreglar, skulefritidsordning (SFO), skulereglar (tidlegare ordensreglement), skulerute og hovudmål. Det betyr at kommunen må ha høyring, vedta og kunngjera aktuelle lokale forskrifter (Ny opplæringslov §§2-2(4), 4-5 (5) 10-4, 10-7, 14-1 (2) og 15-2). Vedtekter for SFO ved Åseral barne- og ungdomsskule vart revidert i Hovudutval for oppvekst og levekår (HOL) i sak 12/33 og gjeld frå 15.08.2023. Skulerute vart vedteke i sak 10/24 etter dåverande opplæringslov og er ikke send på høyring.

Med denne bakgrunnen blir det lagd ut forslag til forskrift ut på open høyring: Forslag til forskrift til opplæringslova for grunnskulen i Åseral kommune.

Slik kan du seia di meining

• Er du elev? Då kan du gjerne seia di meining gjennom representanten til klassen i elevrådet. Du kan òg seia frå direkte til skulefaglig rådgjevar, Lene Øyulvstad: lene.oyulvstad@aseral.kommune.no
• Er du lærer? Då kan du gjerne seia di meining gjennom leiaren din eller tillitsvalde. Du kan òg seia frå direkte til skulefaglig rådgjevar, Lene Øyulvstad: lene.oyulvstad@aseral.kommune.no
• Er du forelder/føresett? Då kan du gjerne seia di meining gjennom FAU. Du kan òg seia frå direkte til skulefaglig rådgivar, Lene Øyulvstad: lene.oyulvstad@aseral.kommune.no
• Vi ønskjer òg tilbakemelding frå andre i Åseral kommune. Send innspel til skulefaglig rådgjevar, Lene Øyulvstad: lene.oyulvstad@aseral.kommune.no

Etter at me har fått innspel, blir forslaga lagde fram for kommunestyret. Det er kommunestyret som vedtek forskriftene.