Arbeidsmiljøutvalet i Åseral kommune
AMU er heimla i arbeidsmiljølovens kapittel 7.
I Åseral kommune består AMU like mange medlem frå arbeidsgjevar- og arbeidstakarsida (lenke til heimesida, råd og utval). I tillegg er ein representant frå bedriftshelsetenesta til stades med både møte- og talerett.
Vervet som leiar for utvalet går på rundgang mellom arbeidsgjevar- og arbeidstakersida. Fram til 31.12.2022 er det Ingunn Kile frå arbeidstakarsida som er leiar i AMU.
AMU sine oppgåver
Oppgåver etter arbeidsmiljølova
- Handsame spørsmål som angår bedriftshelsetenesta og vernetenesta.
- Handsame spørsmål om opplæring og instruksjon på område som har betydning for arbeidsmiljøet.
- Handsame planer om nye lokale, prosessar eller ombyggingar som krev samtykke frå Arbeidstilsynet.
- Handsame andre planer som kan få vesentleg betydning for arbeidsmiljøet, som nye maskinar, rasjonaliseringstiltak, endringar i arbeidsprosessar og førebyggande vernetiltak.
- Delta aktivt i verksemda sitt helse-, miljø- og sikkerheitsarbeid. Delta i kartleggingar, utarbeiding av handlingsplanar og gi råd til prioriteringar og tiltak.
- Vurdere helse- og velferdsaspekt ved arbeidstidsordninger.
- Gå gjennom alle rapportar om ulukker, nesten-ulukker og sjukdom som kan skuldast arbeidsmiljøet. Ha fokus på årsak til hendinga og sjå til at arbeidsgjevar gjer det som er nødvendig for å hindre at det skjer igjen.
- Gå gjennom alle rapportar om yrkeshygieniske undersøkingar og måleresultat.
- Handsame spørsmål om tilrettelegging for arbeidstakarar med redusert funksjonsevne.
- Utarbeide årsrapport om arbeidet i AMU.
Oppgaver etter forskrift
- Utanom dei oppgåvene som er spesielt nemnt i arbeidsmiljølova § 7-2, skal utvalet delta i å utarbeide ein handlingsplan for verne- og miljøarbeidet i verksemda.
- Utvalet eller representantar for utvalet skal foreta synfaring i verksemda for å kartlegge og vurdere behovet for verne- og miljøtiltak. Verneombod og arbeidsleiarar for dei enkelte område i verksemda bør delta under synfaring av områder som de er verneombod eller arbeidsleiar for
- Utvalet skal gi råd om prioritering av verksemda sine planer i arbeidsmiljøspørsmål og sjølv ta opp spørsmål om nye tiltak
- Utvalet skal fastsette retningsliner for introduksjon av nye tilsette om det som gjeld verne- og miljøarbeidet i verksemda og sjå til at arbeidsgjevar sørger for opplæring av nytilsette så snart som mogleg etter tilsettinga
- Utvalet skal også arbeide for at dei tilsatte i verksemda får innsikt i arbeidsmiljøproblem og søke medverknad i verne- og miljøarbeidet
- Utvalet skal handsame arbeidsinstruks som skal utarbeidast ved samtidig arbeid med cytostatika og ioniserande stråling, jf. forskrift om utføring av arbeid § 15-2
(Kilde: arbeidstilsynet.no)