Det er etablert eit eige interkommunalt selskap som skal tilby hjelp til nyetablerarar i heile Agder. Fylkeskommunen og dei fleste kommunane i Agder, mellom desse Åseral, er eigarar i selskapet som kan sjåast på som ei vidareutvikling av det som tidlegare blei kalla EVA-senteret.
Selskapet har fått namnet Driv Agder. Selskapet tilbyr gratis vegleiing og kunnskap for deg som ønskjer å etablera eiga verksemd i Agder. Driv Agder sine rådgjevarar er klare til å hjelpe deg med dine utfordringar.
Driv Agder ønskjer å tilby eit mangfald av opplæringsmoglegheiter for alle som ønskjer å etablera ny verksemd i Agder. Dei har ei omfattande kursliste, slik at du kan velje og sette saman kurs som møter dine spesifikke behov. Ta ein titt på kurskalenderen for å finne det som passar best for deg. Alle kurs er gratis for grundere i kommunen.