Tilskot til arrangement

Føremålet med ordninga er å bidra til aktivitet, trivsel og attraktivitet i Åseral kommune gjennom støtte til opne kultur , idretts  og samfunnsarrangement. Ordninga skal gi føreseielege rammer, sikre likebehandling og bidra til breidde og mangfald i arrangementstilbodet.

Støtte kan givast til: 
•    etablering av nye arrangement 
•    vidareutvikling og profesjonalisering av eksisterande arrangement 

Det kan berre givast støtte til arrangement som vert gjennomførte i Åseral kommune. 
 

Åseral kommune set årleg av midlar til ordninga gjennom eiga budsjettpost for arrangementsstøtte 

Følgjande aktørar kan søkje om støtte:
•    frivillige lag og foreiningar
•    ideelle organisasjonar
•    kommersielle aktørar

•    15. mars (arrangement i første halvår) 
•    15. september (arrangement i andre halvår)

Søknadene vert handsama samla i hovudutval for oppvekst og levekår (HOL). 

5.1 Støtteberettiga kostnader
Det kan givast støtte til nødvendige, eksterne og dokumenterbare kostnader som er direkte knytt til arrangementet, til dømes: 
•    kjøp av eksterne tenester til planlegging og gjennomføring 
•    nøktern og formålstenleg marknadsføring 
•    fagleg bistand (til dømes tryggleik, teknikk, risikovurdering mv.) 
•    leige av eksterne lokale, arena eller teknisk utstyr 
•    honorar, reise, kost (etter statens satsar) og losji til artistar, føredragshaldarar eller andre innleigde fagpersonar.  
•    kostnader til tryggleik, vakthald og beredskap

5.2 Kostnader som ikkje vert støtta
Det kan ikkje gjevast støtte til:
•    eigeninnsats, dugnad eller frivillig arbeid 
•    løn til eigne tilsette eller ordinær drift 
•    investeringar i varig utstyr arrangør sjølv skal eige 
•    mat, drikke, servering og representasjon 
•    profileringsartiklar, premiar og giveaways  
 

6.1 Generelle rammer for støtte
•    Kommunen kan normalt gi støtte på inntil 20 % av godkjent tilskotsgrunnlag. 
•    Maksimalt tilskot per arrangement: kr. 100 000.

6.2 Mindre, frivillige arrangement 
For mindre arrangement arrangert av frivillige lag og foreiningar, med avgrensa økonomisk omfang, kan kommunen gi støtte på inntil 50 % av godkjent tilskotsgrunnlag, avgrensa oppad til kr. 10 000 per arrangement.

Dette kan nyttast for arrangement med totalbudsjett på inntil 30 000 kr. 
Føremålet er å legge til rette for lågterskelaktivitet og frivillig engasjement, utan krav om uforholdsmessig store budsjettrammer.

6.3 Avkorting av tilskot
Dersom sluttrekneskap syner at det faktiske støtteberettiga kostnadsgrunnlaget er lågare enn lagt til grunn ved vedtak, skal tilskotet avkortast tilsvarande. 
Tilskot vert ikkje utbetalt for kostnader som ikkje er i tråd med retningslinjene eller som ikkje har vore ein del av det godkjende søknadsgrunnlaget.  

Ved vurdering vert det lagt vekt på:
•    samsvar med ordninga sitt føremål 
•    openheit og tilgjenge for allmenta 
•    breidde og mangfald i arrangementstilbodet 
•    realistisk budsjett og gjennomføringsevne 
•    verdi for lokalsamfunn, frivilligheit og/eller lokal verdiskaping 
HOL skal i vurderingane sjå søknadene samla. 

•    Arrangementet skal vere ope og tilgjengeleg for allmenta
•    Arrangør skal akseptere gyldig ledsagerbevis
•    Gjeldande regelverk for tryggleik, vakthald og beredskap skal følgjast
•    Åseral kommune skal synleggjerast som bidragsytar
•    Dersom arrangementet går med overskot, er det ein føresetnad at overskotet i hovudsak vert nytta til vidare utvikling av arrangementet, nye arrangement eller annan aktivitet i tråd med ordninga sitt føremål.
 

Søknaden skal leverast elektronisk og innehalde:
•    skildring av arrangementet og målgruppe 
•    tidspunkt, stad og forventa omfang 
•    realistisk budsjett og finansieringsplan 
•    opplysningar om samarbeidspartnarar 

Søknadsskjema vert aktivert når oprninga opner. 

•    Støtte vert utbetalt først etter at arrangementet er gjennomført
•    Tilskottet kan utbetalast forholdsmessig etter kvart som arbeidet skrid fram, etter oppmoding frå søkjar
•    Sluttrapport skal innehalde kort evaluering og rekneskap
•    Kommunen kan krevje støtte heilt eller delvis tilbakebetalt dersom vilkåra ikkje er oppfylte.

Hovudutval for oppvekst og levekår kan gjere grunngjevne unntak frå retningslinjene i særskilde tilfelle. 

Det er ei føresetnad at det vert sett av midlar i handlings- og økonomiplan. Retningslinene gjeld frå 01.01.2027 og erstattar tidlegare ordningar og praksis for støtte til arrangement i Åseral kommune.