Fastsetjing av nye vegnamn i kommunen for tildeling av vegadresser

For å få innført eit einsarta adressesystem i heile landet skal no 19 nye vegar i kommunen namngjevast. Målet er å ha eit einskapleg adressesystem, slik at det blir enklast mogleg å finna fram. Det er kommunane som er offisiell adressemyndigheit på kommunale anlegg og som fastsett adressa.

Avdeling for drift og utvikling er kommunens adressemyndigheit medan avdeling for oppvekst og kultur er kommunens namnemyndighet, og har saman utarbeidd ei liste med namneforslag på dei 19 vegane. Det er både namneval og skrivemåte som er oppe til handsaming.

Kart over områda vil vere tilgjengeleg på Servicekontoret, Minne kultursenter og på kommunens heimeside fram til høyringsfristen 24. mai.

Det er verdt å merke seg at denne namnsetjinga har direkte innverknad på adressa til dei som har bustad/fritidsbustad langs desse vegane. Dersom rørte partar ynskjer moglegheit til å påverka kva for namn deira adresse skal ha, gje innspel eller kom med forslag og send skriftleg til:

Åseral kommune

v/ Tove Utengen

Eining for oppvekst og kultur

Gardsvegen 68

4540 Åseral

eller e-post til:

Denne e-postadressen er beskyttet mot programmer som samler e-postadresser. Du må aktivere javaskript for å kunne se den.

innan 24.05.2013. Merkast 2013/217.

Her finn du liste over dei 19 vegane, med tilhøyrande kart:

Kulturkalenderen for mai og juni

Fotografi av Peder Austrud?

Kulturkalenderen for mai og juni gjer deg tips om ting du bør få med deg.

Sjekk han ut her.

Heimafrå - konsert i Fleirbrukshallen

HEIMAFRÅ med Ingebjørg Bratland og Odd Nordstoga

Ingen band, ingen strykearrangement. Så enkelt som det kan gå an - berre bruk av dei songane som utgjer det musikalske jordsmonnet der dei begge to kjem ifrå, nemleg Vinje. Og det er eit godt jordsmonn; Vest-Telemark er av dei rikaste folkemusikkdistrikta i landet. Med seg på denne reisa har dei bassist Gjermund Silset.

Onsdag 17. april kl. 20.00 i Fleirbrukshallen, Åseral.

Billettar, kr. 270, er å kjøpa på posten/billettservice.

Sikre påska på Åseral folkebibliotek

Opningstider i påska

Åseral folkebibliotek held ope måndag-onsdag i påskeveka.

Fristar det ikkje med ei drivande spanande krim for timar ute i solveggen?

Me har funne eit knippe me anbefaler.

Når kvelden kjem er det godt å la seg riva med av ein engasjerande god film. Me har nye filmar i ulike sjangrar du kan velje frå.

Som elles har me nye bøker. Kan nemna:

For vaksne:

«Mellom to onder – olje og gass i det 21. århundret: Den vanskelige overgangen» av Alf R. Jacobsen

«Manuskriptet fra Accra» av Paulo Coelho

«En sang fra fortiden» av Katherine Webb

For born- og ungdom:

«En pingles dagbok» av Jeff Kinney (nr. 2-7)

«Caracan. Det innerste øyet» av Widar Aspeli

«Kråkeslottet» av Kari Woxholt Sverdrup

Røysterett og kvinnedag

Min stemme!

I samband med stemmeretts- og grunnlovsjubileet lanserar Kunnskapsdepartementet no nettstaden minstemme.no. Dette skal vere en ressurs for læring om demokrati og deltaking og er tilpassa ulike årstrinn i skule og barnehage.